المرواس

المرواس من غرباله انثول
عزم و يبي يصير طبل
قلت له ينيت يا الخبل؟
مجكنم اشحلوك صغير، و شِباحك وايد سهل
تنطَق باطراف الأصابع ، مو بعصى عليك تشتغل
عصب المرواس من حجيي و ظنتي إنه زعل
يقول راحت أيام بن فارس و صولات زويد البطل
و يوا خمة بقعا تالي و رابح صقر العصل
و أنا بريحاتي و حيد و لا احد(ن) عني سأل
اشيبون فيني و طربهم كل يوم له لون و شكل
قلت غلطان انت اسمع، و خلني أفهمك عدل
أكو سمره يايه قريبه و ما ندري من فيها نزل
يقولون جود واحد حقاني ، راعي ضمير و فحل
قال يا معود استريح ، الرويد اخو البقل
قلت ليش الياس يا اخوي حكم شوي العقل
بيطرون قربه طراره و بيقصون له حتى بصل
وبيرفع خشمه واحدهم إن لوناسته وصل
و ان شفت الكل يزفن قول هذا شي(ن) ما حصل
و لا تقول ما احب المخولف و لا تقول أخاف أزل
و خاف على مصلحة غيرك إن بغيت يزول الشلل

اترك عنك الكلام ، و اتبع أصحاب العمل
و إن نويت تصير طبل، تحمل اللي بيحصل

الشباح: هو شد حبال المرواس أو الطبل لشد الرقمه (قطعة الجلد) التي يضرب عليها
المخولف: هو ضرب مختلف النغم على المرواس بسرعة و قوة