زهيرية - شفتني و شفتهم

شفتني بين عوج المناطيج و موالف هل اليور ما أرهم

شفتهم بعدوني عنك و خلوا إن مر علي طاريك مَر هم

و صارت غايتي فرقاك بس تبقى ذكراك لي مرهم

شفتهم خسبقوا عيشتي حينما خلوها جما القليلبه

شفتني يقهرهم فرح قلبي زايده و القليل به

و مشكلتي إن من ينتخي واحدهم القلب قال لي لبه

و إن صار الحجي من أكثرهم ماصخ و مُر هم

زهيرية - هوجاس بحار

ماني مخدي و لاني بوسط موي الهيو مركب

و لاني من عزه اسم و نوط و خنه و مركب

محمل هَلْ الخمبقه ما أقربه مول ما أركب

كل واحد عليه نوخذه و صار حكيم و شار

بيصه دوم ٍعوي ولا جد انظبط له وشار

و لا ني قايل ٍ زود نص الحجي في الحشا شار

شقول!؟ ، أحاجي قوم ربعهم الحقران له عاده

و ربع ٍ يقول لك اللي ما يوالم هواك عاده

و ربع ٍ ولبه يصف بالحجي و كل شوي زاده و عاده

و ربع ٍ يحاتي وين مرساك، و وين بندرنا يا مركب؟